រាជរដ្ឋាភិបាលបញ្ចេញថវិកា ៤០ ទៅ៥០លានដុល្លារក្នុងមួយខែជួយដល់ពលរដ្ឋក្រីក្រ និងរងផលប៉ះពាល់ដោយសារកូវីដ-១៩
ពោធិ៍សាត់៖ នាយរដ្ឋមន្ត្រីកម្ពុជា សម្តេចតេជោ ហ៊ុន សែន បានបញ្ជាក់ថា ក្នុងមួយខែរាជរដ្ឋាភិបាលកម្ពុជាបញ្ជេញថវិកាចំនួនរង្វង់ពី ៤០ ទៅ៥០លានដុល្លារសម្រាប់ជួយដល់ពលរដ្ឋក្រីក្រ និងពលរដ្ឋដែលរងផលប៉ះពាល់ដោយសារកូវីដ-១៩។
អមជាមួយគ្នានេះដែរសម្តេចនាយករដ្ឋមន្ត្រីកម្ពុជាបានលើកឡើងថា រាជរដ្ឋាភិបាលនឹងដំឡើងប្រាក់ឧបត្ថម្ភដល់ស្ត្រីក្រីក្រមានផ្ទៃពោះ និងកុមារអាយុក្រោម ២ឆ្នាំ។
សម្តេចតេជោ បានថ្លែងបែបនេះនៅក្នុងពិធីជួបសំណេះសំណាលជាមួយពលរដ្ឋដែលទទួលសំណងពីផលប៉ះពាល់សាងសង់ទំនប់វារីអគ្គិសនីស្ទឹងពោធិ៍សាត់១ នាព្រឹកថ្ងៃទី១៤ ខែមីនា ឆ្នាំ២០២៣។
គូសបញ្ជាក់ថា រដ្ឋាភិបាលបានអនុវត្តកម្មវិធីជំនួយសង្គមជួយដល់ពលរដ្ឋក្រីក្រ និងរងប៉ះពាល់ដោយសារជំងឺកូវីដ-១៩ តាំងពីឆ្នាំ២០២០ ដើម្បីជួយទ្រទ្រង់ជីវភាពពលរដ្ឋដែលមានការលំបាក៕
